کرم: سکیورٹی فورسز کی کارروائی میں خودکش حملے کی منصوبہ بندی کرنے والا دہشتگرد ہلاک

کرم (ڈیلی اردو) پاکستان کے صوبہ خیبرپختونخوا کے شورش زدہ ضلع کرم کے علاقے کوٹ میران کے گاؤں بہیرا میں سکیورٹی فورسز نے کارروائی کرتے ہوئے سکیورٹی اہلکاروں پر خودکش حملے کی منصوبہ بندی کرنے والے ایک دہشتگرد کو ہلاک کر دیا۔

ابتدائی اطلاعات کے مطابق ہلاک ہونے والا دہشتگرد علاقے میں سکیورٹی فورسز کے اہلکاروں اور تنصیبات کو خودکش حملے کے ذریعے نشانہ بنانے کی منصوبہ بندی کر رہا تھا۔ سکیورٹی فورسز نے کارروائی کرتے ہوئے مبینہ منصوبے پر عمل درآمد سے قبل ہی اسے ہلاک کر دیا، جس کے نتیجے میں ممکنہ حملہ ناکام بنا دیا گیا۔

یہ کارروائی پاکستان کے صوبہ خیبرپختونخوا کے قبائلی اضلاع میں دہشتگردی کے خلاف جاری سکیورٹی اقدامات کا حصہ ہے، جہاں سکیورٹی فورسز انٹیلی جنس معلومات کی بنیاد پر کارروائیاں کرتے ہوئے دہشتگرد نیٹ ورکس کو نشانہ بنا رہی ہیں۔

تاہم کارروائی کے دوران کسی دھماکہ خیز مواد کی برآمدگی، ہلاک دہشتگرد کی شناخت یا اس سے وابستہ تنظیم کے بارے میں مزید تفصیلات تاحال سامنے نہیں آئی ہیں۔