بلوچستان: چمن میں پریس کلب کے قریب چیک پوسٹ پر دہشت گردوں کا حملہ، پولیس اہلکار زخمی، حملہ آور ہلاک

کوئٹہ(ڈیلی اردو) صوبہ بلوچستان کے افغانستان سے متصل سرحدی شہر چمن میں پریس کلب کے باہر پولیس کی چیک پوسٹ پر دہشت گردوں کے حملے میں ایک پولیس اہلکار زخمی ہوگئے جبکہ جوابی کارروائی میں ایک حملہ آور مارا گیا۔

https://twitter.com/ShabbirTuri/status/1627926550279598080?t=3If-gVbNc5guntzRcSmrqg&s=19

پولیس حکام کے مطابق منگل کی صبح چمن میں پریس کلب کے قریب سیکورٹی پر مامور پولیس اہلکاروں پر نامعلوم مسلح افراد نے فائرنگ کردی جس کے نتیجے میں ایک اہلکار زخمی ہو گیا جبکہ پولیس کی جوابی فائرنگ کے نتیجے میں ایک دہشت گرد مارا گیا جبکہ اسکا ساتھی فرار ہونے میں کامیاب ہو گیا۔ پولیس نے ہلاک دہشت گرد کی لاش اور زخمی اہلکار کو ہسپتال منتقل کردیا گیا۔

ذرائع نے ڈیلی اردو کو بتایا کہ ہلاک دہشت گرد سے موٹر سائیکل اور پستول برآمد ہوا،

ذرائع نے مزید بتایا کہ پولیس اہلکار کو سر پر نشانہ بنایا گیا۔گیا۔ تاہم زخمی اہلکار ہیلمٹ اور بلٹ پروف جیکٹ پہننے کے باعث معمولی زخمی ہوا۔

ذرائع کے مطابق دہشت گرد چمن پریس کلب کے باہر قائم پولیس ناکے پر بم نصب کرنا چاہتے تھے۔ پولیس نے بروقت کارروائی کرتے ہوئے قیمتوں جانوں کو بچا لیا۔

صوبائی وزیر داخلہ میر ضیاء اللہ لانگو نے واقعہ کی مذمت کی اور اس سلسلے میں رپورٹ طلب کرلی ہے۔