بلوچستان: ژوب میں انٹیلیجنس بیسڈ آپریشن، 3 دہشت گرد اور ایک میجر ہلاک، کرنل اور کیپٹن زخمی

راولپنڈی (ش ح ط) صوبہ بلوچستان کے ضلع ژوب کے افغانستان سے متصل سرحدی علاقے سمبازہ میں سیکیورٹی فورسز اور دہشت گردوں کے درمیان فائرنگ کے نتیجے میں تین دہشت گرد اور ایک میجر ہلاک ہو گیا ہے۔

A Major has lost his life and a Colonel and a Captain are wounded in clashes with militants in Zhob, Balochistan. #Pakistan https://t.co/sFfhW5RXSy

— FJ (@Natsecjeff) May 14, 2024

پاکستانی فوج کے شعبہ تعلقات عامہ آئی ایس پی آر کے مطابق ژوب کے علاقے سمبازہ میں انٹیلیجنس بیسڈ آپریشن کیا گیا جہاں فائرنگ کے تبادلے میں تین دہشتگرد ہلاک ہوئے جن سے اسلحہ، گولہ بارود اور دھماکا خیز مواد برآمد ہوا۔

آئی ایس پی آر کے مطابق دہشتگردوں کی فائرنگ سے میجر بابر خان ہلاک ہوگئے، علاقے میں دہشتگردوں کو ختم کرنے کیلیے سینیٹائزیشن آپریشن کیا گیا۔

آئی ایس پی آر نے کہا کہ فورسز قوم کے شانہ بشانہ بلوچستان کے امن کو سبوتاژ کرنے کی کوششوں کو ناکام بنا دیں گی، بہادر سپاہیوں کی قربانیاں ہمارے عزم کو مزید مضبوط کرتی ہیں۔

صحافی شبیر حسین طوری کے مطابق زخمیوں کو ہیلی کاپٹر کے ذریعے سی ایم ایچ منتقل کردیاگیا ہے۔ شدید زخمی ہونے والے افسران میں کمانڈنٹ ژوب ملیشیا ہیڈ کوارٹرز کرنل عبدالرحمن اور کیپٹن شاہد شامل ہیں۔

فائرنگ کا دوسرا واقعہ پشین میں پیش آیا۔ حملہ آوروں نے سیکیورٹی پر مامور ایف سی کی چیک پوسٹ کو نشانہ بنایا۔ جس کے نتیجے میں لیویز فورس کا سپاہی محمد حنیف بازئی ہلاک ہوگیا۔