بلوچستان: ژوب کے علاقے سمبازہ میں سیکیورٹی فورسز کا آپریشن، کالعدم ٹی ٹی پی کے 5 دہشت گرد ہلاک

اسلام آباد (ش ح ط) صوبہ بلوچستان کے ضلع ژوب میں سیکیورٹی فورسز نے خفیہ اطلاع پر آپریشن کرتے ہوئے کالعدم تنظیم کے پابچ دہشت گردوں کو ہلاک کردیا۔

سرکاری ذرائع کے مطابق سیکیورٹی فورسز نے دہشت گردوں کی موجودگی کی اطلاعات پر پاک افغان سرحد کے قریب سمبازہ میں اینٹی جنس بیسڈ آپریشن کیا، آپریشن کے دوران سیکیورٹی فورسز اور دہشت گردوں کے درمیان شدید فائرنگ کا تبادلہ ہوا۔

سیکورٹی ذرائع کے مطابق شدید فائرنگ کے تبادلے میں کالعدم تحریک طالبان پاکستان کے 6 دہشت گرد مارے گئے جبکہ مارے گئے دہشت گردوں سے اسلحہ، گولہ بارود اور دھماکا خیز مواد بھی برآمد کرلیا گیا۔ جبکہ ایک دہشت گرد کو زخمی حالت میں گرفتار کرلیا گیا ہے۔

سیکورٹی زرائع کے مطابق ہلاک دہشت گرد سیکورٹی فورسز کے خلاف دہشت گردی کی متعدد کارروائیوں اور معصوم شہریوں کی ٹارگٹ کلنگ میں ملوث تھے۔