بلوچستان: کیچ میں سیکورٹی فورسز کے آپریشن میں 2 دہشت گرد ہلاک

👁️ 33 بار دیکھا گیا

ایڈمن

امریکا

کوئٹہ (ڈیلی اردو) صوبہ بلوچستان کے ضلع کیچ میں سیکیورٹی فورسز کے ساتھ فائرنگ کے تبادلے میں 2 مبینہ دہشت گرد ہلاک ہوگئے۔

سرکاری ذرائع کے مطابق سیکیورٹی فورسز نے مشتبہ دہشت گردوں کی موجودگی کی اطلاع پر ضلع کیچ کے پہاڑی علاقے میں سرچ آپریشن کیا۔

حکام کا کہنا تھا کہ مبینہ دہشت گردوں کی شناخت شعیب اور یحییٰ کے نام سے ہوئی جن کا تعلق کالعدم تنظیم سے تھا۔

ایک اور واقعے میں ضلع کیچ کے ہی علاقے بل نگور میں نامعلوم حملہ آوروں نے نیشنل ڈیٹا بیس اینڈ رجسٹریشن اتھارٹی (نادرا) کے دفتر پر دھاوا بول دیا۔

حکام نے بتایا کہ ملزمان دفتر کی حفاظت پر مامور سیکیورٹی گارڈز سے اسلحہ چھین کر اندر داخل ہوئے اور ریکارڈ نذرِ آتش کردیا۔

وزیراعلیٰ بلوچستان کے مشیر برائے پبلک ہیلتھ انجینئرنگ لالہ رشید دشتی نے نادرا آفس پر حملے کی شدید مذمت کی۔