بنوں میں تین نامعلوم افراد کی گولیوں سے چھلنی لاشیں برآمد

بنوں(نمائندہ ڈیلی اردو) پاکستان کے شورش زدہ صوبہ خیبرپختونخوا کے ضلع بنوں میں تین نامعلوم افراد کی گولیوں سے چھلنی لاشیں برآمد ہوئی ہیں، جنہیں پولیس نے تحویل میں لے کر تحقیقات شروع کر دی ہیں۔

پولیس ذرائع کے مطابق دو لاشیں بنوں کی سرکلر روڈ جبکہ ایک لاش منڈان پارک کے قریب سے برآمد ہوئی۔ 

لاشوں کو فوری طور پر ڈسٹرکٹ ہیڈکوارٹر ہسپتال منتقل کر دیا گیا۔

ابتدائی تفتیش کے مطابق تینوں افراد کو فائرنگ کر کے ہلاک کیا گیا ہے، تاہم ہلاک ہونے والوں کی شناخت اور واقعے کے محرکات تاحال معلوم نہیں ہو سکے۔

پولیس کا کہنا ہے کہ واقعے کی تحقیقات جاری ہیں اور شواہد اکٹھے کیے جا رہے ہیں تاکہ ملوث افراد کا سراغ لگایا جا سکے۔