بنوں میں پولیس اور سی ٹی ڈی کا مشترکہ آپریشن، ایک دہشت گرد ہلاک

بنوں (ڈیلی اردو) صوبہ خیبر پختونخوا کے کے ضلع بنوں کے علاقہ ڈومیل میں پولیس اور سی ٹی ڈی نے مشترکہ آپریشن کیا، یاد رہے کہ یہ آپریشن ایٹیلی جنس بنیادوں پر تھا، آپریشن کمہ چشمی بڑا چشمی اور تھانہ احمد زئی کی حدود میں کیا گیا۔

ذرائع کے مطابق علاقے میں پولیس اور سی ٹی ڈی نفری پہنچتے ہی دہشت گردوں نے فائرنگ شروع کردی، اس کے جواب میں پولیس اور سی ٹی ڈی کی جوابی فائرنگ سے ایک دہشت گرد ہلاک جبکہ ایک کو زندہ گرفتار کر لیا گیا۔ ایک دہشت گرد ارشاد عرف حمتی رات کی تاریکی میں فرار ہو گیا۔

یاد رہے کہ ہلاک ہونے اور فرار ہونے والے دہشت گردوں کا تعلق خافظ گل بہادر گروپ سے ہے۔ جن سے آتشیں اسلحہ کلاشنکوف، کارتوس اور موبائل فون برآمد کر لئَے گئے۔