بھارتی جیل میں پاکستانی قتل: لاش آج پاکستان کے حوالے کی جائیگی

اسلام آباد (ویب ڈیسک) انتہا پسندوں نے بھارتی جیل میں قید پاکستانی کو گزشتہ ہفتے قتل کر دیا تھا۔

میڈیا رپورٹ کے مطابق بھارتی ریاست راجستھان کی جے پور جیل میں پاکستانی قیدی شاکر اللہ کو تشدد کرکے قتل کیا گیا تھا۔

بھارتی ریاست راجھستان کے جیل میں قتل ہونے والے پاکستانی قیدی شاکر اللہ کی لاش آج واہگہ بارڈر پر پاکستان کے حوالے کی جائے گی۔

ذرائع کے مطابق آج شاکر اللہ کی لاش لواحقین کے حوالے کی جائے گی۔

خیال رہے کہ پلوامہ حملے کے بعد بھارتی انتہا پسندوں نے جنگی جنون میں تمام حدیں پار کر تے ہوئے جے پور جیل میں پاکستانی قیدی شاکر اللہ کو قتل کر دیا تھا۔

دفتر خارجہ نے معاملے پر بھارت سے شدید احتجاج کرتے ہوئے کہا تھا کہ پاکستانی قیدیوں کا تحفظ بھارتی حکومت کی ذمہ داری ہے، بھارتی حکومت تمام پاکستانیوں کی سلامتی کو یقینی بنائے۔

مقبوضہ کشمیر کے ضلع پلوامہ میں 40 سے زائد بھارتی فوجیوں کو ہلاک کردیا گیا تھا۔ بھارت نے روایتی انداز اپناتے ہوئے الزام فوری طور پر پاکستان پر عائد کردیا۔

اطلاعات کے مطابق شاکر اللہ کا تعلق سیالکوٹ سے ہے اور اسے دو ہزار سترہ میں عمر قید کی سزا سنائی گئی تھی۔