جنوبی وزیرستان میں دہشتگردوں کا تھانہ پر حملہ، اسلحہ و پولیس موبائل لے گئے

وانا (د م و) صوبہ خیبر پختونخوا کے قبائلی ضلع جنوبی وزیرستان میں دہشت گردوں نے تھانے پر حملہ کردیا، جس کے بعد حملہ آور اسلحہ اور پولیس موبائل ساتھ لے گئے۔

جنوبی وزیرستان: تھانہ سٹی وانا کے حدود میں شدید فائرنگ اور دھماکے کی آوازیں، خدشہ ظاہر کیا جارہا ہے کہ دہشت گردوں کی جانب سے تھانہ سٹی پر حملہ کیا گیا ہے، ذرائع#Wana #SouthWaziristan #Pakistan

— Shabbir Hussain Turi (@ShabbirTuri) December 19, 2022

پولیس کے مطابق 50، 60 مسلح حملہ آوروں نے پہلے راکٹ لانچروں، دستی بموں اور ہلکے ہتھیاروں سے حملہ کیا۔ اس دوران حملہ آور تھانہ کے اندر داخل ہوئے اور پولیس اہلکاروں نے ہتھیار ڈال دیے۔

https://twitter.com/ShabbirTuri/status/1605077835265282049?t=8zH3lZeb8W6zmUSVa8VmmQ&s=19

ڈی پی او کے مطابق تھانہ وانا پر مسلح افراد نے حملے میں راکٹ لانچر کا استعمال کیا۔ پہلے گیٹ پر حملہ کیا گیا، جس کے بعد دہشت گرد اندر داخل ہوئے اور پورے تھانے کونفری، ایس ایچ او اور انچارج سمیت یرغمال بنا لیا۔

حملہ آور دہشت گرد سٹی تھانہ وانا کا اسلحہ اور پولیس موبائل ساتھ لے گئے۔ واقعے میں ایک پولیس کانسٹیبل کے زخمی ہونے کی اطلاع ہے، جس کی شناخت الیاس قوم محسود کے نام سے ہوئی ہے، جو جنوبی وزیرستان ہی کا رہنے والا ہے۔

فائرنگ کے تبادلے میں ایک حملہ آور ہلاک ہوا جس کی لاش کو سکیورٹی فورسز نے تحویل میں لے کر ایف سی کیمپ منتقل کردیا۔

ہشت گردوں کے جانے کے بعد تھانے کا چارج ایف سی نے سنبھال لیا ہے۔

سیکیورٹی فورسز نے علاقہ کو گھیرے میں لے کر سرچ آپریشن کی تیاری شروع کردی ہے۔

دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی۔

کالعدم تحریکِ طالبان پاکستان کے ترجمان نے دعویٰ کیا ہے کہ حملے میں دو اہلکار ہلاک ہوئے ہیں۔

ٹی ٹی پی کے جاری کردہ بیان کے مطابق حملہ آوروں نے 15 اہلکاروں کو یرغمال بنانے کے بعد انہیں مصلحتاً چھوڑ دیا لیکن ان کے پاس موجود اسلحہ حاصل کر لیا ہے۔