حماس کے سربراہ اسماعیل ہنیہ کا بیٹا اسرائیلی فضائی حملے میں ہلاک

غزہ (ڈیلی اردو) فلسطینی عسکریت پسند گروپ حماس کے سربراہ اسماعیل ہنیہ کا بیٹا حازم اسماعیل ہنیہ غزہ میں اسرائیلی فوج کے فضائی میں ہلاک ہوگیا۔

ٹائمز آف انڈیا کے مطابق اسرائیلی حکومت سے تعلق رکھنے والے معروف سوشل میڈیا اکاؤنٹس سے اطلاع دی گئی ہے کہ حماس کے سربراہ اسماعیل ہنیہ کے بیٹے حازم اسماعیل ہنیہ کو فضائی حملے میں ہلاک کردیا گیا۔

مقامی فلسطینی میڈیا نے ان سوشل میڈیا دعوے کی بنیاد پر کہا ہے کہ اسرائیلی حکومت کے لڑاکا طیاروں نے غزہ میں ایک گھر کو نشانہ بنایا جس سے عمارت مکمل طور پر تبا ہوگئی۔

مقامی میڈیا کے مطابق ممکنہ طور پر اس عمارت میں حماس رہنما اسماعیل ہنیہ کے خاندان کے کچھ افراد مقیم تھے۔ حملے میں اسماعیل ہنیہ کے بیٹے حازم ہنیہ کی ہلاکت کی غیر مصدقہ اطلاع ہے۔

حماس کی جانب سے ان خبروں کی تردید یا تصدیق نہیں گئی اور نہ ہی اس حوالے سے اسماعیل ہنیہ کا کوئی بیان منظر عام پر آیا ہے جو اس وقت کسی نامعلوم پر مقیم ہیں۔

فلسطینی میڈیا کے مطابق حازم ہنیہ کی عمر محض 22 سال تھی اور وہ کالج کے طالب علم تھے۔ 7 اکتوبر سے شروع ہونے والی غزہ جنگ میں حماس رہنما اسماعیل ہنیہ کے خاندان کے 14 افراد ہلاک ہوچکے ہیں۔