حیدرآباد سے بھارتی خفیہ ایجنسی را سے تربیت یافتہ مبینہ دہشت گرد گرفتار

حیدر آباد (ڈیلی اردو) کاؤنٹر ٹررزم ڈپارٹمنٹ (سی ٹی ڈی) سندھ نے ضلع حیدرآباد کی کارروائی میں افغانستان اور بھارتی خفیہ ایجنسی را کا تربیت یافتہ مبینہ دہشتگرد گرفتار کرلیا گیا، ملزم سے بھاری مقدار میں بارودی مواد برآمد ہوا ہے۔

سی ٹی ڈی کے مطابق جامشورو میں کارروائی کے دوران بھارت اور افغانستان سے تربیت یافتہ مبینہ دہشت گرد گرفتار کرلیا گیا، جس کے قبضے سے بارودی مواد بھی برآمد ہوا ہے۔

ایس پی سی ٹی ڈی کا کہنا ہے کہ گرفتار ملزم ایس آر اے کا کمانڈر ہے، دہشت گرد کئی بم دھماکوں میں ملوث ہے، ملزم سے بارودی مواد کے علاوہ ہینڈ گرنیڈ، بم بنانے والے تار، بال بیئرنگ اور دیگر سامان بھی ملا ہے۔

واضح رہے کہ کالعدم تنظیم ایس آر اے (سندھ ریولوشنری آرمی) کراچی اور حیدر آباد سمیت کئی بم دھماکوں کی ذمہ داری قبول کر چکی ہے، جس میں متعدد افراد ہلاک اور درجنوں زخمی ہوئے۔