خیبر: وادی تیراہ میں ولیمہ کی تقریب پر ڈرون حملہ، خواتین اور بچوں سمیت 8 سے زائد افراد زخمی

واشنگٹن (ش ح ط ) ‏پاکستان کے شورش زدہ صوبے خیبر پختونخوا کے قبائلی ضلع خیبر کے دور افتادہ علاقے وادیٔ تیراہ کے مقام شلوبر میں ولیمہ کی ایک تقریب کے دوران مبینہ طور پر ڈرون حملہ کیا گیا ہے، جس کے نتیجے میں خواتین اور بچوں سمیت آٹھ سے زائد افراد زخمی ہو گئے ہیں۔

رکنِ قومی اسمبلی عبدالغنی آفریدی نے واقعے کی تصدیق کرتے ہوئے بتایا کہ زخمیوں میں کئی افراد کی حالت تشویشناک ہے۔

مقامی ذرائع کے مطابق دھماکے کے فوراً بعد علاقہ مکینوں نے اپنی مدد آپ کے تحت زخمیوں کو قریبی اسپتال منتقل کیا، جہاں بعض زخمیوں کی حالت نازک بتائی جا رہی ہے۔ 

ڈرون حملے کے بعد شادی کی تقریب میں شدید افرا تفری پھیل گئی۔

علاقہ مکینوں کا کہنا ہے کہ دھماکے کی آواز دور دور تک سنی گئی۔

واضح رہے کہ یہ علاقہ موجودہ وزیراعلیٰ خیبر پختونخوا سہیل آفریدی کا آبائی علاقہ ہے۔