راولپنڈی میں نامعلوم موٹر سائیکل سواروں کی فائرنگ سے ٹریفک وارڈن نوید خان ہلاک

راولپنڈی (ڈیلی اردو) صوبہ پنجاب کے ضلع راولپنڈی میں دہشت گردی کے ایک اور واقعہ میں نامعلوم موٹر سائیکل سواروں کی فائرنگ سے ٹریفک وارڈن جان کی بازی ہار گیا۔

پولیس کے مطابق تھانہ رتہ امرال کے علاقے سٹی ٹریفک وارڈن نوید ڈیوٹی پر موجود تھا کہ نامعلوم موٹر سائیکل سواروں نے ٹارگٹ کر کے فائرنگ کر دی جس سے نوید شدید زخمی ہوگیا جبکہ ملزمان موقع سے فرار ہو گئے۔

شہیدٹریفک وارڈن نویدخان کی نمازجنازہ پولیس لائن ہیڈکوارٹرزمیں اداکر دی گئی.
نماز جنازہ میںRPO،سی پی اواورCTOراولپنڈی سمیت کثیرتعداد میں افسران واہلکاروں کی شرکت
شہید کےجسد خاکی کی سرکاری اعزازکےساتھ آبائی گاؤں کٹاریاں میں تدفین کی جائیگی.
شہید کےسوگواران میں بیوہ سمیت2بیٹیاں شامل pic.twitter.com/IEsbXDgip0

— RPO Rawalpindi (@Rporwp) March 12, 2021

نوید کو تشویشناک حالت میں فوری طور پر ڈسٹرکٹ ہیڈ کوارٹر ہسپتال منتقل کیا گیا لیکن وہ جانبر نہ ہو سکا۔

راولپنڈی اور اسلام آباد پولیس پر اس ہفتے یہ تیسرا حملہ ہے.

راولپنڈی کے تھانہ سول لائن کے علاقے میں ڈپٹی کمشنر ہاؤس کے قریب 7 مارچ کو نامعلوم ٹارگٹ کلرز کی فائرنگ سے ایس ایچ او ریس کورس عمران عباس جبکہ اسی روز اسلام آباد میں پولیس کی گاڑی پر نامعلوم افراد کی فائرنگ سے وفاقی پولیس کا ہیڈ کانسٹیبل بھی ہلاک ہو گیا تھا۔