سابق امیر جماعت اسلامی سید منور حسن کو آئی سی یو منتقل کردیا گیا، حالت تشویشناک

کراچی (ڈیلی اردو) سابق امیر جماعت اسلامی پاکستان سید منور حسن کو طبیعت بگڑنے پر آئی سی یو منتقل کر دیا گیا۔

نعیم الرحمن امیر جماعت اسلامی کراچی کے مطابق ڈاکٹرز ان کی نگرانی کررہے ہیں تاہم انکی حالت تشویشناک ہےـ

نجی ہسپتال میں زیر علاج سید منور حسن کو طبیعت زیادہ ناساز ہونے پر جمعرات کی صبح انتہائی نگہداشت وارڈ منتقل کیا گیا ہے، اس حوالے سے امیر جماعت اسلامی کراچی حافظ نعیم الرحمان نے ٹوئٹر پر لکھا کہ سابق امیر کو آئی سی یو منتقل کیا گیا ہے اور ان کا دواؤں کے ساتھ ساتھ ضروری علاج کیا جارہا ہے۔

انہوں نے لکھا کہ ڈاکٹرز کی ٹیم مستقل نگرانی اور رابطے میں ہیں، سید منور حسن کی صحت کے لیے جو ممکن ہوا انشاء اللہ وہ کیا جائے گا۔

سید منور حسن صاحب کو آئی سی یو میں داخل کیا ہے۔ دوائیں اور ضروری علاج کیا جارہا ہے۔

ڈاکٹرز کی ٹیم مستقل نگرانی اور رابطے میں ہے۔ سید صاحب کی صحت کے لیے جو ممکن ہوا انشاءاللہ کیا جائے گا۔
اللہ تعالی ہمارے سید صاحب کو شفائے کاملہ عاجلہ عطا فرمائے۔ آمین

حافظ نعیم الرحمان نے سابق امیر کی جلد صحتیابی کی دعا کرتے ہوئے کہا کہ اللہ تعالی ہمارے سید صاحب کو شفائے کاملہ عاجلہ عطا فرمائے۔

سید منور حسن صاحب کو آئی سی یو میں داخل کیا ہے۔ دوائیں اور ضروری علاج کیا جارہا ہے۔
ڈاکٹرز کی ٹیم مستقل نگرانی اور رابطے میں ہے۔ سید صاحب کی صحت کے لیے جو ممکن ہوا انشاءاللہ کیا جائے گا۔
اللہ تعالی ہمارے سید صاحب کو شفائے کاملہ عاجلہ عطا فرمائے۔ آمین pic.twitter.com/S8dJB4moiW

— Naeem ur Rehman (@NaeemRehmanEngr) June 11, 2020

دو روز قبل نائب امیر جماعت اسلامی پاکستان راشد نسیم نے کراچی کے مقامی اسپتال میں زیر علاج سابق امیر جماعت اسلامی پاکستان سید منور حسن کی عیادت کی اور ان کی جلد صحت یابی کے لیے دعا کی تھی۔ اس موقع پر نائب امیر جماعت اسلامی کراچی ڈاکٹر عبدالواسع شاکر بھی موجود تھے۔