سرینگر: پونچھ میں نامعلوم افراد کی فائرنگ سے دو بھارتی فوجی ہلاک

سرینگر (ڈیلی اردو/کے ایم ایس) بھارت کے زیرِ انتظام کشمیر میں بھارتی فوج پر نامعلوم افراد کے حملے میں 2 اہلکار ہلاک اور ایک زخمی ہوگیا۔

کشمیر میڈیا سروس (کے ایم ایس) کے مطابق کشمیر کے ضلع پونچھ میں نامعلوم افراد نے بھارتی فوج پر فائرنگ کردی جس کے نتیجے میں 2 اہلکار ہلاک اور ایک زخمی ہوگیا۔

واقعہ کے بعد بھارتی فورسز کی بھاری نفری کو علاقے میں طلب کرکے حملہ آوروں کی تلاش کے لیے آپریشن شروع کردیا گیا ہے، علاقہ کے داخلی اور خارجی راستوں پر بھارتی فوج کی بھاری نفری تعینات ہے اور کسی کو بھی آنے جانے کی اجازت نہیں ہے۔

واضح رہے کہ چند روز قبل بھی مقبوضہ کشمیر میں ساتھیوں کی بازیابی کے لیے گئی بھارتی فوج کی ٹیم پر مسلح افراد نے حملہ کردیا تھا جس کے نتیجے میں ایک آفیسر سمیت 5 اہلکار ہلاک ہوگئے۔