سیکیورٹی فورسز کا قبائلی ضلع خیبر میں آپریشن، 5 دہشت گرد ہلاک

راولپنڈی (ڈیلی اردو) سیکیورٹی فورسز نےصوبہ خیبر پختونخوا کے قبائلی ضلع خیبر میں آپریشن کرتے ہوئے پانچ دہشت گردوں کو ہلاک کردیا۔

پاکستانی فوج کے شعبہ تعلقات عامہ آئی ایس پی آر کا کہنا ہے کہ سیکیورٹی فورسز نے قبائلی ضلع خیبر میں خفیہ اطلاع پر آپریشن کر کے 5 دہشت گردوں کو ہلاک کردیا۔

آئی ایس پی آر کے مطابق سیکیورٹی فورسز نے دہشت گردوں کی موجودگی کی اطلاع پر آپریشن کیا، مارے گئے دہشت گردوں کے قبضے سے اسلحہ و گولہ بارود برآمد کرلیا گیا۔

آئی ایس پی آر کے مطابق ہلاک دہشت گرد سیکیورٹی فورسز اور شہریوں کے خلاف دہشت گرد کارروائیوں میں ملوث تھے، علاقے میں کسی بھی دہشت گرد کے خاتمے کےلیے کلیئرنس کا عمل جاری ہے۔