شمالی وزیرستان اور درہ آدم خیل میں آپریشن، 20 شدت پسند ہلاک

راولپنڈی (ڈیلی اردو) پاکستانی فوج کے شعبہ تعلقات عامہ آئی ایس پی آر کے مطابق آٹھ اور نو نومبر کو صوبہ خیبر پختونخوا میں دو الگ الگ مقامات پر کالعدم تنظیم سے تعلق رکھنے والے 20 شدت پسند مارے گئے ہیں۔

آئی ایس پی آر کے مطابق شمالی وزیرستان کے علاقے شوال میں سکیورٹی فورسز کی جانب سے شدت پسندوں کی موجودگی کی اطلاع ملنے پر انٹیلیجنس بیسڈ آپریشن کیا گیا۔

فوج کے مطابق ’آپریشن کے دوران ہمارے فوجیوں نے خوارج کے مقام پر مؤثر طریقے سے حملہ کیا۔ آٹھ شدت پسندوں کو ہلاک کیا گیا۔

انٹیلیجنس بیسڈ پر ایک اور آپریشن ضلع درہ آدم خیل میں کیا گیا اور شدید فائرنگ کے تبادلے کے بعد مزید بارہ شدت پسندوں کو مؤثر طریقے سے بے اثر کر دیا گیا۔