شمالی وزیرستان میں تحریک طالبان پاکستان کے تین اہم کمانڈر ہلاک

اسلام آباد (ش ح ط) صوبہ خیبر پختونخوا کے قبائلی ضلع شمالی وزیرستان میں سیکورٹی فورسز کے آپریشن میں کالعدم تنظیم تحریک طالبان پاکستان کے تین اہم کمانڈر مارے گئے۔

سیکیورٹی ذرائع کے مطابق شمالی وزیرستان کی تحصیل میرعلی کے علاقے خوشالی میں سیکیورٹی فورسز نے دشت گردوں کی علاقے میں موجودگی پر انٹیلیجنس بیسڈ آپریشن کیا۔ اس دوران دشت گردوں سیکیورٹی فورسز پر فائرنگ کر دی۔

سیکیورٹی فورسز کی بھرپور جوابی کاروائی میں کالعدم تحریک طالبان پاکستان کے تین انتہائی اہم دہشت گرد کمانڈر مارے گئے۔

مارے گئے دہشت گردوں میں کمانڈر اکبر دین، مدثر اور نیک محمد شامل ہیں۔

ہلاک دہشت گردوں کا تعلق کالعدم تحریک طالبان پاکستان کے اہم رکن علیم خان خوشالی گروپ سے بتایا جاتا ہے۔

ہلاک دہشت گرد ٹارگٹ کلنگ، سیکیورٹی فورسز پر حملوں اور دیگر سنگین جرائم میں مطلوب تھے۔

واضح رہے کہ جنوبی وزیرستان میں بم دھماکے کے بعد وانا بازار میں کرفیو نافذ جبکہ علاقے میں فورسز کا سرچ آپریشن جاری ہے۔

گذشتہ روز جنوبی وزیرستان میں سکیورٹی فورسز پر دھماکے کے نتیجے میں تین اہلکار ہلاک جبکہ 7 زخمی ہو گئے تھے۔