شمالی وزیرستان میں تین مختلف حملوں میں تین افراد ہلاک

میرانشاہ (نمائندہ ڈیلی اردو) پاکستان کے شورش زدہ صوبے خیبر پختونخوا کےقبائلی ضلع شمالی وزیرستان میں تین مختلف واقعات میں مسلح افراد کی فائرنگ سے تین افراد ہلاک ہو گئے۔

پولیس کے مطابق پہلا واقعہ میرانشاہ روڈ کے علاقے معصوم آباد میں پیش آیا، جہاں نامعلوم مسلح افراد نے فائرنگ کر کے ایک شخص کو ہلاک کیا۔ ہلاک ہونے والے شخص کی شناخت ابھی تک نہیں ہوئی۔

دوسرا واقعہ میرعلی بازار سے اغواء کیے گئے سید اللہ ذاکرخیل کے ساتھ پیش آیا، جسے نامعلوم افراد نے ہلاک کیا۔

تیسرا واقعہ میرانشاہ کے نورک علاقے میں پیش آیا، جہاں ایک نوجوان لڑکا خدی بازار میں نامعلوم مسلح افراد کی فائرنگ کا شکار ہو کر ہلاک ہوا۔

پولیس نے علاقے کو گھیرے میں لے کر واقعے کی تحقیقات شروع کر دی ہیں، تاہم ابھی تک کسی کی گرفتاری عمل میں نہیں آئی۔