شمالی وزیرستان میں نامعلوم افراد کی فائرنگ سے پولیس اہلکار ہلاک

میران شاہ (ڈیلی اردو/ٹی این این) صوبہ خیبر پختونخوا کے قبائلی ضلع شمالی وزیرستان میں تارگٹ کلنگ کا سلسلہ تھم نا سکا، تحصیل میر علی میں اس نوعیت کے ایک اور واقعے میں ایک پولیس اہلکار اپنی جان سے ہاتھ دھو بیٹھا۔

سرکاری ذرائع کے مطابق نامعلوم افراد نے میر علی کے مین بازار میں پولیس اہلکار عادت خان وزیر کو ٹارگٹ کر کے قتل کر دیا جبکہ ملزمان جائے وقوعہ سے فرار ہونے میں کامیاب ہو گئے۔

Police constable Aadat Khan Wazir was killed in a targeted attack in Mir Ali Bazar, North Waziristan. He was from Spinwam. May he rest in peace. The wave of target killings continues unabated in Waziristan. Our people continue being killed because of the state's flawed policies. https://t.co/w3otgTqLdn

— Mohsin Dawar (@mjdawar) January 9, 2022

مقامی پولیس کے مطابق عادت خان کا تعلق سپین وام گاؤں شمیری سے ہے۔

پولیس نے نعش کو پوسٹ مارٹم کے لئے قریبی ہسپتال منتقل کر دیا اور مزید تفتیش شروع کر دی۔