شمالی وزیرستان میں چیک پوسٹ پر حملہ، ایک فوجی ہلاک

راولپنڈی (ڈیلی اردو) خیبرپختونخوا کے قبائلی ضلع شمالی وزیرستان کے علاقے شیوہ میں فوجی پوسٹ پر دہشت گردوں کے حملے میں ایک فوجی ہلاک ہوگیا۔

پاکستانی فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق دہشتگردوں نے صوبہ خیبرپختونخوا کے قبائلی ضلع شمالی وزیرستان کے علاقے شیوہ میں ملٹری پوسٹ پر حملہ کیا۔ اس حملے کے بعد پاک فوج نے دہشت گردوں کو فوری طور پر جوابی کارروائی کی۔

آئی ایس پی آر کے مطابق دہشت گردوں کے ساتھ فائرنگ کے تبادلے میں پاک فوج کا نائیک نور مرجان ہلاک ہوگئے، 32 سالہ نور مرجان کا تعلق قبائلی ضلع کرم سے تھا۔

آئی ایس پی آر کے مطابق شمالی وزیرستان کے علاقے شیوہ میں دہشت گردوں کی تلاش کے لئے آپریشن جاری ہے۔