شمالی وزیرستان میں چیک پوسٹ پر حملہ، دو اہلکار ہلاک

راولپنڈی (کاشف محمود) صوبہ خیبر پختونخوا کے قبائلی ضلع شمالی وزیرستان کے علاقے دتہ خیل میں پاک فوج کی ٹرخی چیک پوسٹ پر دہشت گردوں کے حملے کے نتیجے میں دو اہلکار ہلاک ہوگئے۔

پاکستانی فوج کے شعبہ تعلقات عامہ (آئی ایس پی آر) سے جاری بیان کے مطابق دہشت گردوں کے حملے کے بعد دونوں طرف سے فائرنگ کا تبادلہ ہوا جس کے نتیجے میں چترال سے تعلق رکھنے والے 27 سالہ نائیک رحمٰن اور ٹانک سے تعلق رکھنے والے 22 سالہ لانس نائیک عارف اللہ ہلاک ہوگئے۔

آئی ایس پی آر نے کہا کہ علاقے میں دہشت گردوں کے خلاف سرچ آپریشن کیا جارہا ہے۔

اس سے قبل رواں ہفتے بلوچستان کے کے علاقے مکران میں اسی طرح کے ایک حملے میں دو سیکیورٹی اہلکار ہلاک ہوگئے تھے۔