غرب اردن میں فلسطینیوں اور اسرائیلی فوج کے مابین جھڑپیں، بم حملے

غرب اردن (ڈیلی اردو/این این آئی) گذشتہ 24 گھنٹوں کے دوران مغربی کنارے میں فلسطینی شہریوں اور اسرائیلی فوج کے درمیان کئی مقامات پر جھڑپیں ہوئیں۔ ان جھڑپوں کے دوران فلسطینی شہریوں نے دھماکہ خیز مواد اور بموں سے بھی اسرائیلی فوج پر حملے کیے۔ دوسری طرف فلسطینیوں کی مزاحمتی کارروائیوں میں متعدد صہیونی زخمی بھی ہوئے۔

میڈیا رپورٹس کے مطابق مزاحمت کاروں نے گذشتہ چوبیس گھنٹوں کی کارروائی میں ایک اسرائیلی کو زخمی کیا جبکہ مزاحمت کاروں اور اسرائیلی فوج کے درمیان مقامات پر جھڑپیں ہوئیں۔ ان جھڑپوں میں فلسطینی شہریوں نے دشمن کو بھاری مالی نقصان بھی پہنچایا۔

بیت المقدس میں شعفاط کیمپ میں شدید تصادم شروع ہوا جس میں فلسطینی نوجوانوں نے اسرائیلی فوجیوں پر پتھراؤ کیا اور رام اللہ کے الرام، سلواد اور بیتین میں بھی جھڑپیں ہوئیں۔

نابلس میں کوہ گریزیم پر جھڑپیں ہوئیں اور مزاحمت کاروں نے علاقے میں ایک دھماکہ خیز ڈیوائس سے دھماکہ کیا۔

سلفیت میں کفر الدیک میں ایک آباد کار زخمی ہوگیا۔ اس دوران علاقے میں آباد کاروں کے حملوں کے خلاف شہریوں کا شدید رد عمل دیکھنے میں آیا۔

جنین میں العرقہ اور الجلمہ چوکی میں جھڑپیں ہوئیں، اس دوران آباد کاروں میں دھماکہ ہوا جب کہہ اسرائیلی فوجیوں پر پتھرا کیا گیا۔

فلسطینیوں اور اسرائیلی فوج کے درمیان اریحا کے عقبہ جبر کیمپ اور بیت لحم کے عایدہ کیمپ میں بھی جھڑپیں ہوئیں۔