فرانس: تیونس شہری نے خاتون پولیس اہلکار کو چاقو کے وار کرکے ہلاک کردیا، حملہ آور بھی مارا گیا

پیرس (ڈیلی اردو) فرانس کے دارالحکومت پیرس میں عرب شہری نے خاتون پولیس اہلکار کو چاقو کے وار کرکے ہلاک کردیا۔ پولیس کی فائرنگ سے حملہ آور بھی مارا گیا ہے۔

فرانسیسی خبر رساں ایجنسی اے ایف پی کے مطابق چاقو حملے کا واقعہ جنوبی ٹاؤن رامبویلیٹ کے پولیس اسٹیشن میں پیش آیا۔

پولیس کے مطابق حملہ آور نے ‘اللہ اکبر’ کا نعرہ لگاتے ہوئے چاقو کے وار کرتے ہوئے خاتون اہلکار کو ہلاک کر دیا۔

#BREAKING Suspect in French police station attack shouted 'Allahu Akbar': investigation source pic.twitter.com/zmT8RxEBSH

— AFP News Agency (@AFP) April 23, 2021

ملزم نے پولیس اسٹیشن میں داخل ہوکر خاتون افسر پر چاقو سے حملہ کیا، پولیس نے حملہ آور کو فائرنگ کر کے ہلاک کردیا۔

فرانسیسی وزیراعظم جین کاسٹیکس نے متاثرہ پولیس اسٹیشن کے دورے کا اعلان کیا ہے۔

پولیس کے مطابق 36 حملہ آور تیونس کا شہری ہے جو کئی برسوں پہلے فرانس آیا تھا جبکہ ہلاک ہونے والی 49 سالہ خاتون افسر 49 پولیس اسٹیشن میں انتظامی عہدے پر تھیں۔

فرانسیسی حکام کا کہنا ہے کہ واقعے کے محرکات سامنے نہیں آئے ہیں لہٰذا ابھی یہ نہیں کہا جاسکتا کہ واقعہ دہشتگردی ہے یا کچھ اور۔