قبائلی علاقوں میں ٹارگٹ کلنگ کا سلسلہ پھر شروع، باجوڑ میں دو افراد کو ہلاک کر دیا گیا

اسلام آباد (ش ح ط) پاکستان کے قبائلی علاقوں میں ان دنوں ٹارگٹ کلنگ کے واقعات میں اضافہ دیکھا جا رہا ہے۔ اتوار کو رات کے وقت نامعلوم مسلح افراد نے ضلع باجوڑ کی تحصیل لوئی ماموند کے علاقہ کٹکوٹ میں فائرنگ کر کے دو افراد کو ہلاک کردیا۔

ہلاک ہونے والے افراد کی شناخت حیات اللہ اور شمشور کے نام سے ہوئی ہے۔

Two man shot dead by unknown gunmen in #Bajaur, #Pakistan. https://t.co/yj03qYFhsf

— Shabbir Hussain Turi (@ShabbirTuri) August 29, 2021

حملہ آور واردات کے بعد فرار ہونے میں کامیاب ہو گئے۔

دوہرے قتل کی وجہ تاحال معلوم نہ ہو سکی۔

یاد رہے کہ دو روز قبل شمالی وزیرستان میں بھی نامعلوم مسلح افراد نے فائرنگ کرکے معروف سماجی کارکن اور یوتھ آف وزیرستان کے بانی اور صدر نور اسلام داوڑ کو ہلاک کر دیا تھا۔

یاد رہے کہ اس سے قبل 25 جولائی کو بھی شمالی وزیرستان میں ٹارگٹ کلنگ کا واقعہ پیش آیا تھا جس میں نامعلوم افراد نے کرکٹ کے مقامی مایہ ناز کھلاڑی واجد کو قتل کر دیا تھا۔