لاہور، گجرانوالہ اور راولپنڈی سے کالعدم تنظیموں کے متعدد کارکن گرفتار

لاہور (ڈیلی اردو) پنجاب حکومت نے نیشنل ایکشن پلان کے تحت لاہور، گوجرانوالہ اور راولپنڈی سے کالعدم تنظیموں کے متعدد کارکنوں کو گرفتار کرلیا۔

وزیر اطلاعات پنجاب صمصام بخاری نے میڈیا بریفنگ کے دوران بتایا کہ چندہ اکٹھا کرنے اور دیگر سرگرمیوں کے باعث کالعدم تنظیموں کے کارکنوں کو راولپنڈی، لاہور، ملتان اور گجرانوالہ سے گرفتار کیا گیا ہے۔

وزیر اطلاعات نے پنجاب کابینہ اجلاس میں کیے گئے فیصلوں کے حوالے سے بتایا کہ حکومت نے رمضان المبارک میں عید بازار لگانے اور فورٹ منرو اتھارٹی کا نام بدلنے کی منظوری دی ہے۔ پنجاب کابینہ نے منرل واٹر کمپنیز پر زیر زمین پانی نکالنے کی مد میں ایک روپیہ فی لیٹر ٹیکس لگانے کی منظوری بھی دیدی ہے۔

انہوں نے کہا کہ ای ٹرانسفر پالیسی میں ترمیم کی منظوری کا معاملہ پارلیمانی پارٹی اجلاس میں لایا جائے گا۔

صمصام بخاری نے مزید کہا کہ اقدامات بھارت یا عالمی دباؤ کی وجہ سے نہیں بلکہ ملکی مفاد میں کیے گئے