لاہور: محرم الحرام میں دہشتگردی کا بڑا منصوبہ ناکام، لشکر جھنگوی کے 3 دہشت گرد گرفتار

اسلام آباد (ش ح ط) صوبہ پنجاب کے دارالحکومت لاہور میں محرم الحرام کے دوران دہشت گردی کا بڑا منصوبہ ناکام بناتے ہوئے کالعدم تنظیم لشکر جھنگوی کے تین دہشت گرد گرفتار کرلیے گئے۔

تفصیلات کے مطابق کاؤنٹر ٹیررازم ڈیپارٹمنٹ (سی ٹی ڈی) نے لاہور کے علاقے دھرم پورہ سے کالعدم لشکر جھنگوی کے تین دہشت گردوں کو گرفتار کر لیا گیا، دہشت گردوں سے بارودی مواد اور ڈیٹونیٹر وائر اور اسلحہ برآمد ہوا ہے۔

لاہور میں مجرم کے جلوس پر حملے کی منصوبہ بندی پر کالعدم لشکر جھنگوی کے تین دہشت گرد گرفتار، ملزمان سے بارودی مواد اور اسلحہ برآمد، ملزمان کا ہدف محرم الحرام میں جلوس کو نشانہ بنانا تھا۔ سی ٹی ڈی ذرائع#Lahore #Muharram #Pakistan

— Shabbir Hussain Turi (@ShabbirTuri) August 27, 2021

دہشت گردوں کی شناخت رضوان، عبدالقیوم اور عارف کے نام سے ہوئی ہے۔

سی ٹی ڈی ذرائع کے مطابق گرفتار دہشت گردوں کو مزید تفتیش کے لیے نامعلوم مقام پر منتقل کردیا گیا ہے۔

سی ٹی ڈی نے رواں ماہ بھی لاہور میں یوم عاشور پر دہشتگردی کا منصوبہ ناکام بناتے ہوئے کالعدم تنظیم تحریک طالبان پاکستان (ٹی ٹی پی) کے تین دہشت گردوں کو ہلاک کر دیا تھا۔ ہلاک دہشت گردوں کے قبضہ سے خودکش جیکٹ، 3 ہینڈ گرنیڈ اور دیگر اسلحہ برآمد ہوا تھا۔