لکی مروت میں پولیس چیک پوسٹ پر کواڈ کاپٹر حملہ، 3 اہلکار زخمی

لکی مروت (نمائندہ ڈیلی اردو) پاکستان کے شورش زدہ صوبہ خیبر پختونخوا کے ضلع لکی مروت میں تھانہ درہ پیزو کی حدود میں واقع وانڈا بنوچی پولیس چیک پوسٹ پر کواڈ کاپٹر حملہ کیا گیا، جس کے نتیجے میں تین پولیس اہلکار زخمی ہو گئے۔

پولیس کے مطابق زخمی اہلکاروں میں پی ایس آئی آصف، کانسٹیبل فہیم اور کانسٹیبل عدنان شامل ہیں۔ حملے کے بعد زخمیوں کو فوری طور پر طبی امداد کے لیے قریبی ہسپتال منتقل کر دیا گیا۔

واقعے کے بعد پولیس اور سکیورٹی فورسز نے علاقے کو گھیرے میں لے کر سرچ آپریشن شروع کر دیا، جبکہ حملے کی نوعیت اور ذمہ دار عناصر کے تعین کے لیے تحقیقات جاری ہیں۔

تاحال کسی گروپ نے حملے کی ذمہ داری قبول نہیں کی۔