لیویز فورس کی بارکھان میں کارروائی، فورسز پر حملوں میں ملوث 3 ملزمان گرفتار

کوہلو (ڈیلی اردو) لیویز فورسز نے صوبہ بلوچستان کے ضلع بارکھان میں کارروائی کرتے ہوئے سیکیورٹی فورسز پر حملوں ملوث تین ملزمان کو گرفتار کرلیا ہے۔

لیویز کے رسالدار میجر شیر محمد نے پریس کانفرنس میں بتایا کہ کارروائی بارکھان کے علاقے چوہڑ کوٹ میں کی گئیں، جہاں دو طرفہ فائرنگ کے بعد تین ملزمان کو گرفتار کیا گیا۔

لیویز حکام کے مطابق ملزمان سیکیورٹی فورسز پر حملوں، قتل، اقدام قتل، ڈکیتی سمیت مختلف وارتوں میں ملوث ہیں، ملزمان کے قبضے سے دو گولے، ایک ایس ایم جی، ایک تھری ناٹ تھری رائفل، پانچ ہینڈ گرنیڈ اور سینکڑوں راؤنڈ برآمد ہوئے۔

رسالدار میجر شیر محمد کا مزید کہنا تھا کہ تخریب کاروں کے خلاف کارروائیوں کا سلسلہ جاری رہے گا۔