ماسکو: یورو کپ دیکھنے کیلئے روس جانے والے 15 سے زائد پاکستانی گرفتار

اسلام آباد (ڈیلی اردو) یورو کپ دیکھنے کے لیے روس جانے والے پاکستانی رل گئے۔ روسی حکام نے 15 سے زائد پاکستانیوں کو تحویل میں لیا ہے۔

ترجمان دفترخارجہ زاہد حفیظ چوہدری نے روس میں پاکستانیوں کو پیش آنے والی مشکلات کی تصدیق کردی ہے۔

دفتر خارجہ نے تصدیق کرتے ہوئے بتایا ہے کہ روس میں یورو کپ کے مقابلے دیکھنے کے لیے جانے والے 15 پاکستانیوں کو پولیس نے حراست میں لے لیا جبکہ 4 پاکستانی شہریوں کو ڈی پورٹ بھی کردیا گیا ہے۔

ذرائع کے مطابق روسی حکام نے 48 گھنٹوں میں 15 سے زائد پاکستانیوں تحویل میں لیا۔ تحویل میں لیے گئے پاکستانیوں کو ایئرپورٹ پر ہی روکا گیا ہے۔

@RusEmbPakistan Euro 2020 is happening and many Pakistani spectators are detained on airports in Russia.
They are deprived of basic amenities Ike drinking water, Food and toilet.
This is totally contradictory to the image of Russia I have from my visit of 2018.@ForeignOfficePk pic.twitter.com/Hw7mwld2gN

— Rana Hamza (@_ranahamza) June 18, 2021

ذرائع کا کہنا ہے کہ ایئرپورٹ پر حکام نے پاکستانیوں کو جعلی فین آئی ڈی کے شعبے میں روکا۔ بیشتر پاکستانی اصلی فین آئی ڈی پر یورو کپ دیکھنے روس پہنچے تھے۔حراست میں لیے گئے پاکستانیوں کو کو حبس بے جا میں رکھا گیا۔

ترجمان وزرات خارجہ کا کہنا ہے کہ پاکستانیوں کو در پیش مسائل سے آگاہ ہیں۔ روس میں پاکستانی سفارتخانے کے حکام روسی ہم منصب سے رابطے میں ہیں۔ امید ہے معاملے کو جلد حل کرلیا جائے گا۔

ذرائع کا کہنا ہے کہ زیرحراست پاکستانی ہوائی سفر سے غیرقانونی طریقے کو اپناتے ہوئے یورپ میں داخل ہونے کی کوشش کرتے ہیں۔ انہوں نے مزید بتایا کہ پاکستانیوں کی اکثریت روس میں میچ دیکھنے کے بجائے غیر قانونی طریقے سے یورپ جانے کی کوششوں میں مصروف رہی اور اس کے نتیجے میں کئی پاکستانی گرفتار ہوئے۔

گرفتار افراد کے پاس پاکستان، ایران اور افغانستان ممالک کے پاسپورٹس ہیں اور یہ بھی بلگورد سٹی سے یوکرائن میں داخلے کی کوشش میں گرفتار ہوئے۔ کئی پاکستانی فن لینڈ، بیلاروس کے بارڈرز پر گرفتار ہوئے۔روس میں مقیم پاکستانی کمیونٹی نے حکومت پاکستان سے مطالبہ کیا کہ انکے خلاف مقدمات قائم کئے جائیں اور پاکستان میں موجود ایجنٹوں کو بھی فوری گرفتار کیا جائے جو پوری دنیا میں پاکستان کی بدنامی کا باعث بنے ہیں۔

Russian Authorities have Arrested 10 Pakistanis illegally trying to Enter Russia on Fake ID'

— Megh Updates ????™ (@MeghUpdates) June 18, 2021

گزشتہ روز روس کے شہر بلگورد سٹی سے یوکرائن میں غیر قانونی طور پر داخل ہو نیوالے متعدد پاکستانییوں کو پکڑا گیا تھا۔