مالدیپ میں مسلم انتہا پسندوں کا یوگا کرنے والے افراد پر حملہ

مالے (ڈیلی اردو/ڈی پی اے/اے ایف پی) مالدیپ میں مذہبی انتہا پسندوں کی جانب سے یوگا کی مشق میں مصروف افراد پر حملہ کر دیا گیا۔ پولیس کو مشتعل افراد پر آنسو گیس کی شیلنگ کرنا پڑی۔

Dramatic visuals from Maldives as group of extremists disrupt Yoga Day celebrations organised in capital Male pic.twitter.com/es9q3y5g2o

— Sidhant Sibal (@sidhant) June 21, 2022

عالمی یوگا ڈے کے موقع پر مختلف جزیروں پر مشتمل ملک مالدیپ کے دارالحکومت مالے کے فٹ بال اسٹیڈیم میں کئی افراد یوگا کی مشق کر رہے تھے۔ اس دوران سفید جھنڈے اٹھائے اور مذہبی نعرہ بازی کرتے درجنوں افراد نے یوگا کرنے والے ان افراد پر حملہ کر دیا۔ پولیس نے حملہ آوروں کو منتشر کرنے کے لیے ان پر آنسو گیس کی شیلنگ کی اور چھ افراد کو گرفتار کر لیا گیا۔ مشتعل افراد نے اس یوگا تقریب کی تشہیر کرنے والے بل بورڈز کو بھی اکھاڑ پھینکا۔ یوگا کی اس مشق کو بھارت کے مقامی ثقافتی مرکز اور مالدیپ کی وزارت برائے کھیل کی جانب سے منعقد کیا گیا تھا۔

Radical mob barged into the stadium & disrupted 'International Yoga Day' celebrations at Male in Maldives because Yoga is haram for them. pic.twitter.com/lHdE8IDeja

— Anshul Saxena (@AskAnshul) June 21, 2022

مقامی میڈیا کے مطابق مشتعل ہجوم کا کہنا تھا کہ یوگا غیر اسلامی ہے۔ ملکی صدر ابراہیم محمد نے اس حملے پر شدید تحفظات کا اظہار کیا ہے۔ ان کا کہنا ہے کہ پولیس اس معاملے کی تحقیقات کر رہی ہے۔ انہوں نے ٹوئٹر پر لکھا، ”ذمہ داروں کو قانون کے کٹہرے میں لایا جائے گا۔‘‘

A group of Maldivian youth have disrupted a yoga day event organised by the Indian High Commission in the Maldives. pic.twitter.com/gOCvPVwjmS

— The Maldives Journal (@MaldivesJournal) June 21, 2022

بھارت کے جنوب مغرب میں سنی مسلم آبادی والے جزیرہ نما ملک مالدیپ میں سکیورٹی فورسز کے لیے مذہبی شدت پسندی ایک بڑا مسئلہ بنی ہوئی ہے۔ یہ ملک ساحل سمندر کے کنارے اپنے انتہائی دلفریب تفریحی مقامات اور یہاں دورہ کرنے والی مشہور شخصیات کی وجہ سے جانا چاہتا ہے۔

حکام نے گزشتہ سال پارلیمانی اسپیکر محمد نشید پر قاتلانہ حملے کا ذمہ دار ‘مذہبی انتہا پسندوں‘ کو ٹھہرایا۔ حکومت نے انتہا پسندی کے خلاف کریک ڈاؤن کرنے کی کوشش کی ہے۔ پولیس نے سن 2019ء میں اسلامک اسٹیٹ کے ایک شخص کو اس دہشت گرد تنظیم میں بھرتیاں کرنے کے شبے میں گرفتار کیا تھا۔ یہاں غیر ملکی مبلغین کے داخلے پر بھی پابندی عائد ہے۔

بھارت اور خاص طور پر بھارتی وزیر اعظم نریندر مودی دنیا بھر میں یوگا کی ترویج کرتے ہیں۔ سن 2014 میں اقوام متحدہ کی جانب سے یوگا ڈے کو عالمی سطح پر منائے جانے کا اعلان کیا گیا تھا۔