مظفرگڑھ : 5 دن تک مدرسے میں بند رکھ کر طالبعلم سے زیادتی، قاری نعیم بابر گرفتار

لاہور (نمائندہ ڈیلی اردو) صوبۂ پنجاب کے شہر مظفرگڑھ میں ایک مدرسے میں 11 سالہ طالبعلم طلحہ سے زیادتی کے الزام میں قاری کو گرفتار کر لیا گیا ہے۔

پولیس کے مطابق متاثرہ طالبعلم کے والد محمد جاوید احمد کی مدعیت میں مقدمہ درج کیا گیا، جس میں الزام عائد کیا گیا کہ کالو چوک کے قریب واقع مدرسہ خیر العنعام کے مولوی حافظ نعیم بابر نے بچے کو نہ صرف زیادتی کا نشانہ بنایا بلکہ اسے پانچ دن تک مدرسے میں قید بھی رکھا۔

پولیس کا کہنا ہے کہ واقعے کے بعد فوری کارروائی کرتے ہوئے ملزم کو گرفتار کر لیا گیا ہے جبکہ طالبعلم طلحہ کا میڈیکل معائنہ کروایا جا رہا ہے تاکہ الزامات کی تصدیق کی جا سکے۔

پولیس نے مزید بتایا کہ مقدمے کی تفتیش جاری ہے، اور شواہد اکٹھے کیے جا رہے ہیں۔ مزید کارروائی میڈیکل رپورٹ اور تفتیشی نتائج کی بنیاد پر عمل میں لائی جائے گی۔