مقبوضہ بیت المقدس میں اسرائیلی فائرنگ سے فلسطینی نوجوان شہید، خاتون زخمی

مقبوضہ بیت المقدس (ڈیلی اردو) اسرائیلی پولیس فورس نے مقبوضہ بیت المقدس میں مسجد اقصیٰ کے قریب باب الاصباط میں فلسطینی نوجوان کو گولی مار کر شہید کر دیا۔

اسرائیلی میڈیا ذرائع نے دعویٰ کیا کہ باب الصباط پت تعینات اسرائیلی پولیس افسر نے مبینہ طور پر چاقو سے حملی کرنے کی کوشش کرنے والے فلسطینی نوجوان کو گولی مار دی۔

مرکز اطلاعات فلسطین کے مطابق عینی شاہدین نے تصدیق کی کہ فلسطینی نوجوان کو گولی مارنے کے بعد جان بوجھ کر خون میں لت پت مرنے کے لیے وہیں چھوڑ دیا گیا اور اسے کوئی طبی امداد مہیا نہیں کی گئی۔

اسرائیلی پولیس کے ایک ترجمان نے ایک بیان میں کہا کہ اس واقعے میں فلسطینی نوجوان شہید اور موقعے پر موجود خاتون زخمی ہو گئی۔

تاہم شہید نوجوان کی شناخت ابھی تک نہیں ہو سکی۔