نازیبا ویڈیوز: رابی پیرزادہ کا شوبز چھوڑنے کا اعلان

لاہور (ڈیلی اردو) معروف گلوگارہ اور اداکارہ رابی پیرزادہ نے اپنی نازیبا ویڈیو سامنے آنے کے بعد شوبز چھوڑنے کا اعلان کر دیا ہے۔

انہوں نے یہ اعلان ایک ٹوئٹ کے ذریعے کیا ہے جس میں ان کا کہنا تھا کہ میں شوبز سے کنارہ کشی کر رہی ہوں، اللہ تعالیٰ میرے گناہوں کو معاف کرے، اور میرے حق میں لوگوں کا دل نرم کرے۔

میں رابی پیرذادہ شوبز سے کنارہ کشی اختیار کرتی ہوں ۔ اللہ تعالیٰ میرے گناہوں کو معاف کرے۔ اور میرے حق میں لوگوں کا دل نرم کرے۔

وَتُعِزُ مَن تَشَاء وَتُذِلُ مَن تَشَاء#SaveaSoul

— Rabi Pirzada (@Rabipirzada) November 4, 2019

یاد رہے کہ ان کی چند ذاتی ویڈیوز سوشل میڈیا پر سامنے آ گئی تھیں جس کے باعث وہ شدید تنقید کی زد میں آ گئی تھیں جبکہ بہت سے لوگوں نے اسے ان کا ذاتی معاملہ قرار دیا تھا۔ سوشل میڈیا پر چلنے والی اس طویل بحث کے دوران رابی پیرزادہ اپنے ناقدین کو مسلسل جواب دیتی رہیں۔

انہوں نے کہا کہ جوبندہ دنیا میں کسی بندے کی پردہ پوشی کریگا اللہ عزوجل قیامت کے دن اس کی پردہ پوشی فرمائے گا۔