نوشہرہ: چھ سالہ بچی سے زیادتی کی کوشش ناکام، ملزم گرفتار

نوشہرہ (ڈیلی اردو) صوبہ خیبر پختونخوا کے ضلع نوشہرہ میں چھ سالہ بچی کے ساتھ زیادتی کی کوشش ناکام بنا دی گئی۔

نوشہرہ پولیس کے مطابق تالاب کورونہ مصری بانڈہ میں شبیر نامی ملزم نے چھ سالہ بچی سے جنسی درندگی کی کوشش کی جو بچی نے بہادری اور جرات کا مظاہرہ کرتے ہوئے ناکام بنا دی۔

پولیس کا کہنا ہے کہ بسمہ نامی بچی نے جنسی درندے ملزم کو مارنا شروع کیا اور چیخ و پکار کی، گاؤں کے لوگوں کو جمع ہونے پر ملزم فرار ہو گیا، بچی کے والد کی مدعیت میں تھانہ مصری بانڈہ میں مقدمہ درج کر لیا گیا جس کے بعد پولیس نے کامیاب کارروائی کرتے ہوئے ملزم کو گرفتار کرلیا ہے۔

پولیس کے مطابق ملزم شبیر کو جسمانی ریمارنڈ کے لیے جوڈیشل مجسٹریٹ نوشہرہ کی عدالت میں پیش کیا جائے گا۔