ٹانک اور جنڈولہ میں سکیورٹی خدشات کے پیش نظر کرفیو نافذ

👁️ 260 بار دیکھا گیا

ایڈمن

امریکا

ٹانک (نمائندہ ڈیلی اردو) پاکستان کے شورش زدہ صوبے خیبر پختونخوا کے ضلع ٹانک کے علاقے جنڈولہ میں سکیورٹی خدشات کے پیش نظر کرفیو نافذ کردیا گیا ہے۔

خیبر پختونخوا کے نیم قبائلی علاقے سب ڈویژن جنڈولہ میں کرفیو کے حوالے سے اعلامیہ ڈی سی ٹانک کی جانب سے جاری کیا گیا۔

اعلامیے کے مطابق سکیورٹی خدشات کے پیش نظر ٹانک کے سب ڈویژن جنڈولہ میں کل بروز ہفتہ صبح 6 بجے سے شام 7 بجے تک کرفیو نافذ رہے گا۔

کرفیو کے دوران تمام تجارتی مراکز اور دکانیں بند رہیں گی، جبکہ خلاف ورزی کرنے والوں کے خلاف سخت قانونی کارروائی کی جائے گی۔

مزید برآں، کوڑ سے جنڈولہ تک مین شاہراہ ہر قسم کی ٹریفک کے لیے بند رہے گی۔