ٹانک سے اغواء پولیو ورکر بازیاب کرا لیا گیا، پولیس

ٹانک (ڈیلی اردو) صوبہ خیبر پختونخوا کے ضلع ٹانک سے اغواء پولیو ورکر بازیاب کرا لیا گیا۔ ڈی پی او ٹانک نے اس حوالے سے بتایا کہ پولیس اور مقامی افراد کی کوششوں سے اغواء کاروں کے چنگل سے پولیو ورکر مدثر کو بازیاب کرا لیا گیا۔

انہوں نے کہا کہ پولیو ورکر کو نامعلوم افراد نے اس وقت اغواء کیا جب وہ ڈیوٹی سے گھر جا رہا تھا۔

یاد رہے کہ تھانہ گل امام کی حدود میخانی کے قریب پولیو اہلکار کو اغواء کیا گیا، پولیو اہلکار مدثر خان پولیس چوکی میخانی کے قریب فکسڈ پوائنٹ ہر بچوں کو پولیو کے قطرے پلا رہے تھے۔

پولیس ذرائع نے پولیو ورکر کے اغوا کے بعد اس کی بازیابی کیلئے علاقے میں سرچ آپریشن شروع کیا اور تیز ترین کارروائی کے دوران اغواء ہونے والے پولیو ورکر کو بازیاب کرا لیا گیا۔