پاراچنار: تحریک طالبان پاکستان کی جانب سے پی ٹی ایم سپورٹر سید حیدر عباس کو قتل کی دھمکیاں

اسلام آباد (بیورو رپورٹ) کالعدم تنظیم تحریک طالبان پاکستان کی طرف سے پشتون تحفظ موومنٹ کے شیعہ سپورٹر کو قتل کی دھمکیاں دی گئی ہیں۔

پشتون تحفظ موومنٹ کے قبائلی ضلع کرم کے سرگرم رکن سید حیدر عباس نے انکشاف کیا ہے کہ انہیں دو دن پہلے طالبان کی جانب سے ایک خط موصول ہوا ہے جس میں انہیں دھمکی دی گئی کہ اگر طالبان کے خلاف اقدامات بند نہ کئے گئے تو انہیں سنگین نتائج بھگتنا پڑیں گے۔ خط میں کہا گیا ہے کہ کہ آپ مغربی ممالک کے اداروں سے ہمارے خلاف رابطے بند کریں اور ہمارے خلاف احتجاجی مظاہروں میں شمولیت سے گریز کریں۔

انہوں نے کہا کہ اپریل میں مبینہ طور پر تحریکِ طالبان پاکستان (ٹی ٹی پی) کی جانب سے ایک دھمکی آمیز خط میں مطالبہ کیا گیا کہ اس کا خاندان پاراچنار میں ہونے والے خودکش دھماکوں میں زخمیوں کی بھی پشاور میں علاج معالجے کی معاملات میں مدد کرتے ہیں آپ اس کام سے بھی پرہیز کریں ورنہ پہلے بھی آپکو اغوا کرنے کی کوشش کی گئی تھی لیکن اس وقت پولیس کی وجہ سے آپ بچ گئے تھے۔

https://twitter.com/ShabbirTuri/status/1383352899678334986?s=19

ڈیلی اردو سے ٹیلی فون پر بات چیت کرتے ہوئے انہوں نے مزید بتایا کہ خط پشتو رسم الحظ میں لکھا گیا اور میرے آبائی گھر پاراچنار کے نواحی گاؤں بغکی کے باہر سے ملا۔ مبینہ طور پر خط تحریک طالبان پاکستان ضلع کرم کی طرف سے لکھا گیا ہے۔

سید حیدر عباس نے ڈیلی اردو سے بات کرتے ہوئے مزید کہا کہ اس کے خاندان کو آج موت کی دھمکیاں مل رہی ہیں۔

انہوں نے بتایا کہ میرے بھائی نے اپنے خاندان کے لیے کرم پولیس سے تحفظ مانگا لیکن تاحال اسے حاصل نہ ہو سکا۔