پاکستان آرمی راکٹ فورس کمانڈ کا فتح ٹو میزائل کا کامیاب تجربہ

راولپنڈی (ک م) پاکستان آرمی راکٹ فورس کمانڈ کی جانب سے مقامی طور پر تیار کردہ فتح ٹو میزائل کا کامیاب تجربہ کیا گیا۔

پاکستانی فوج کے شعبہ تعلقات عامہ (آئی ایس پی آر) کے مطابق فتح میزائل جدید ایوی اونکس اور نیویگیشنل ٹیکنالوجی سے لیس ہے، اور اس تجربے کا مقصد مختلف تکنیکی پہلوؤں کی توثیق اور نظام کی درستگی کا جائزہ لینا تھا۔

آئی ایس پی آر کا کہنا ہے کہ اس موقع پر اسٹریٹجک پلانز ڈویژن، آرمی راکٹ فورس کمانڈ اور پاک فوج کے سینئر افسران کے علاوہ اسٹریٹجک اداروں کے سائنسدانوں اور انجینئرز نے بھی تجربے کا مشاہدہ کیا۔

بیان میں مزید کہا گیا ہے کہ صدرِ پاکستان، وزیرِاعظم، چیف آف ڈیفنس فورسز اور مسلح افواج کے سربراہان نے اس کامیاب تجربے میں کردار ادا کرنے والے تمام افراد کی تکنیکی مہارت اور عزم کو سراہا۔