پاکستان ميں کورونا وائرس کے تقريباً 1300 گڑھ سیل کر دیے گئے
👁️ 130 بار دیکھا گیا
پاکستان ميں کورونا وائرس کے تقريباً 1300 گڑھ سیل کر دیے گئے
اسلام آباد (ڈیلی اردو/ڈوئچے ویلے) دن بدن ریکارڈ تعداد میں اضافے کے تناظر میں پاکستانی حکام نے ملک بھر میں کورونا وائرس کے تقريباً تیرہ سو (1300) ’ہاٹ اسپاٹس‘ کی شناخت کر کے انہیں سیل کر دیا ہے۔ کیا یہ اقدام اس وبائی مرض کے پھیلاؤ کو روکنے میں مؤثر ثابت ہو گا؟ پاکستان میں حکام نے کورونا وائرس کے پھیلاؤ کا سبب بننے والے قريب تیرہ سو مقامات کو سیل کر دیا ہے۔
یہ پیشرفت ہفتے کو ایک مرتبہ پھر ریکارڈ تعداد میں متاثرین کے سامنے آنے کے بعد دیکھی گئی۔
سرکاری اعداد و شمار کے مطابق گزشتہ چوبیس گھنٹوں کے دوران ملک بھر میں نئے کورونا وائرس کے 6,472 کیسز سامنے آئے۔ پاکستان میں کسی بھی ایک دن میں سامنے آنے والے مریضوں کی یہ سب سے زیادہ تعداد ہے۔ مجموعی طور پر اب پاکستان میں کووڈ انیس کے متاثرین کی تعداد 132,405 تک پہنچ چکی ہے۔ ڈھائی ہزار سے زائد افراد اس وبائی مرض میں مبتلا ہونے کے بعد جان کی بازی ہار بھی چکے ہیں۔
رواں سال مارچ میں جب یہ عالمگیر وبا اپنے عروج پر تھی، 220 ملین سے زيادہ آبادی والے جنوبی ایشیائی ملک پاکستان نے بھی اس وقت مکمل لاک ڈاؤن نافذ کر دیا تھا۔ البتہ خستہ حال ملکی معیشت کے پیش نظر اسلام آباد حکومت پابندیوں میں بتدریج نرمیاں کرتی آئی اور اسی کے ساتھ کیسز کی تعداد میں اضافہ بھی دیکھا گیا۔ وزیراعظم عمران خان اور ان کی کابینہ میں شامل وزراء اقتصادی صورتحال کو مد نظر رکھتے ہوئے طبی ماہرین کے مشورے نظر انداز کرتے آئے ہیں۔
اب حکومت نے ‘ہاٹ اسپاٹس‘ سیل کرنے کی جو حکمت عملی اختیار کی ہے، اسے مقامی سطح پر ‘اسمارٹ لاک ڈاؤن‘ قرار دیا جا رہا ہے۔ جن افراد، دکانوں یا محلوں میں وائرس کے زیادہ کیسز سامنے آتے ہیں یا پھر اگر مذکورہ افراد یا کاروبار صحت سے متعلق حکومت کے تجویز کردہ قوائد و ضوابط کی خلاف ورزی کرتے دکھائی ديے، تو ان پر بندشوں کی صورت میں عارضی پابندی عائد کر دی جاتی ہے۔
جرمن خبر رساں ادارے ڈوئچے ویلے (ڈی ڈبلیو) کے مطابق پچھلے چوبیس گھنٹوں کے دوران ملک بھر میں ایسے قوائد و ضوابط کی 13,116 خلاف ورزیاں رپورٹ کی گئیں۔ نتیجتاً 1500 سے زائد دکانیں یا مارکیٹیں، 33 فیکٹریاں، سات انڈسٹریل یونٹس اور نقل و حرکت کے لئے استعمال ہونے والی لگ بھگ پندرہ سو گاڑیاں سیل کی جا چکی ہیں۔ دارالحکومت اسلام آباد کے کئی سیکٹرز میں ميں بھی اسمارٹ لاک ڈاؤن کے تحت پابندیاں نافذ ہیں۔ حکومت کی خصوصی ٹیمیں قوائد و ضوابط پر عملدرآمد یقینی بنانے کیلئے ملک بھر میں سرگرم ہیں۔ مجموعی طور پر قريب 1300 مقامات کو سیل کیا جا چکا ہے۔
متعلقہ خبریں
وزیر خارجہ کا اہم بیان
تازہ ترین خبریں
دنیا بھر میں مسیحیوں پر ظلم کے خلاف ’ریڈ ویک‘ مہم زور پکڑ گئی
16/November/2026 👁️ 32 بار دیکھا گیا
بحرین: 64 شیعہ علما کو عمر قید کی سزا، شیخ عیسیٰ قاسم بھی شامل
16/November/2026 👁️ 31 بار دیکھا گیا
کراچی: سرجانی ٹاؤن میں کم عمر مدرسہ طالبہ سے مبینہ زیادتی کی کوشش، ملزم گرفتار
16/November/2026 👁️ 35 بار دیکھا گیا
عراق: داعش کا اسلحہ ذخیرہ برآمد، 185 گولہ بارود کے کنٹینر ضبط
16/November/2026 👁️ 38 بار دیکھا گیا
عراق: حطرہ میں فوجی ٹھکانوں پر حملے کے بعد داعش کے خلاف بڑا سرچ آپریشن
16/November/2026 👁️ 36 بار دیکھا گیا
عراق: کتائب حزب اللہ کے تیل اسمگلنگ نیٹ ورک پر کریک ڈاؤن، 9 سینئر افسران برطرف
16/November/2026 👁️ 40 بار دیکھا گیا
مقبول خبریں
ٹرمپ کا ایران کو آخری الٹی میٹم، ڈیل نہ ہوئی تو تباہ کن کارروائی کی دھمکی
04/August/2026 👁️ 26472 بار دیکھا گیاایران میں موساد کیلئے جاسوسی کا الزام، دو افراد کو پھانسی دے دی گئی
04/August/2026 👁️ 15700 بار دیکھا گیاحوثیوں کا سعودی عرب کے نجران ایئرپورٹ پر ڈرون حملہ
05/August/2026 👁️ 11998 بار دیکھا گیاجنوبی وزیرستان: رات کی تاریکی میں طالبان اسنائپرز نے پاکستانی فوجیوں کو نشانہ بنایا، ویڈیو جاری
17/September/2025 👁️ 9381 بار دیکھا گیایمن میں حوثی باغیوں کے میزائل اور ڈرون حملے، 36 فوجی اہلکار ہلاک
07/August/2026 👁️ 7644 بار دیکھا گیاایران سیکس ویڈیو: وزارت فرہنگ و ارشاد اسلامی کے سربراہ رضا ثقتی کو عہدے سے ہٹا دیا
30/July/2023 👁️ 5657 بار دیکھا گیاموسمی حالات
کراچی
32°C
لاہور
28°C