پاکستان میں دہشتگردی افغانستان سے ہوتی ہے، اقوام متحدہ

نیو یارک (ڈیلی اردو) اقوام متحدہ نے کہا ہے کہ پاکستان میں دہشت گردی افغانستان سے ہوتی ہے جس میں کالعدم تحریک طالبان پاکستان (ٹی ٹی پی) اور جماعت الاحرار ملوث ہیں۔

عالمی سطح پر دہشت گردی کے حوالے سے ایک رپورٹ میں کہا گیا ہے کہ افغانستان میں ساڑھے 6 ہزار دہشت گرد اب بھی فعال ہیں جو پاکستان کے اندر دہشت گردی کی کارروائیوں میں ملوث ہیں۔

More than 6,000 Pakistani insurgents are hiding in Afghanistan, most of them from the outlawed Taliban group, a UN report says via @AP https://t.co/JHGlFE8Oqd

— Bloomberg (@business) July 26, 2020

رپورٹ میں کہا گیا ہے کہ کالعدم تنظیم تحریک طالبان پاکستان کی قیادت افغانستان سے پاکستان میں دہشت گرد کارروائیاں کراتی ہے اور افغانستان میں موجود  دہشت گرد قیادت پاکستان میں متعدد حملوں کی ذمہ داری بھی قبول کرچکی ہے۔

UN says over 6,000 anti-Pakistan militants are hiding in Afghanistan and many have linked up with Daesh terror group there https://t.co/5QUR7YKB7x

— TRT World (@trtworld) July 26, 2020

اقوام متحدہ کی رپورٹ میں افغانستان میں داعش کی موجودگی کو خطے کے لیے خطرہ قرار دیا گیا ہے۔

اس کے علاوہ عالمی ادارے کی رپورٹ میں بھارت میں موجود دہشت گرد عناصر پر بھی تشویش کا اظہار کرتے ہوئے کہا گیا ہے کہ  بھارت میں موجود دہشت گرد عناصر سے پڑوسی ممالک کو خطرہ ہے۔