پاکستان میں راوں برس 67 ہزار آپریشنز، 1,873 دہشت گرد ہلاک

راولپنڈی (ک م) پاکستانی فوج کے ترجمان ڈائریکٹر جنرل آئی ایس پی آر لیفٹیننٹ جنرل احمد شریف چوہدری نے رواں برس دہشت گردوں کے خلاف کیے گئے آپریشنز کی تفصیلات جاری کی ہیں۔

سال 2025 میں ملک بھر میں 67,023 انٹیلی جنس بیسڈ آپریشنز کیے گئے، جن میں سب سے زیادہ آپریشن بلوچستان میں ہوئے (53 ہزار) جبکہ خیبر پختونخوا میں 12,857 آپریشنز ہوئے۔

رواں برس ملک بھر میں دہشت گردی کے 4,729 واقعات پیش آئے، جن میں سے خیبر پختونخوا میں سب سے زیادہ 3,357 واقعات ہوئے۔

ان آپریشنز کے دوران اب تک 1,873 دہشتگرد ہلاک ہوئے۔

ڈی جی آئی ایس پی آر نے کہا کہ خیبرپختونخوا-افغانستان سرحد کی لمبائی 1,229 کلومیٹر ہے اور اس پر 20 بارڈر کراسنگ پوائنٹس ہیں، تاہم اتنی فورس نہیں کہ مکمل نگرانی ممکن ہو۔ انہوں نے افغان طالبان رجیم کے تعلقات کو واضح کرتے ہوئے کہا کہ مسئلہ طالبان کے ساتھ ہے، افغان عوام کے ساتھ نہیں۔

انہوں نے مزید کہا کہ کالعدم ٹی ٹی پی کے دہشتگرد پاکستانی سرحد سے افغانستان آ کر سرگرم ہیں اور ہمارے لیے خطرہ بن چکے ہیں، جبکہ امریکی اسلحہ افغانستان میں دہشتگردوں کے پاس ہے۔

ڈی جی آئی ایس پی آر نے یہ بھی کہا کہ آپریشن سندور نے بھارت کے لیے پیغام دیا ہے اور پاکستان کی سیکیورٹی فورسز خطے میں امن قائم رکھنے کے لیے ہر قدم اٹھا رہی ہیں۔