پشاور: بڈھ بیر پولیس اسٹیشن پر دہشت گردوں کا دستی بم حملہ، ایک اہلکار زخمی

پشاور (نمائندہ ڈیلی اردو) پاکستان کے شورش زدہ صوبہ خیبر پختونخوا کے صوبائی حکومت پشاور کے علاقے بڈھ بیر میں واقع پولیس اسٹیشن پر دہشت گردوں نے دستی بم سے حملہ کر دیا، جس کے نتیجے میں ایک پولیس اہلکار معمولی زخمی ہوگیا۔

پولیس حکام کے مطابق دستی بم دھماکے کے بعد زخمی اہلکار کو فوری طور پر طبی امداد فراہم کی گئی۔ واقعے کی اطلاع ملتے ہی سینئر پولیس افسران بھاری نفری کے ہمراہ موقع پر پہنچ گئے اور علاقے کو گھیرے میں لے لیا۔

پولیس کا کہنا ہے کہ واقعے کی تحقیقات شروع کر دی گئی ہیں جبکہ حملہ آوروں کی تلاش کے لیے علاقے میں سرچ آپریشن بھی جاری ہے۔

حکام کے مطابق حملے میں ملوث دہشت گردوں کو جلد گرفتار کر لیا جائے گا۔