پشاور میں نامعلوم افراد کی فائرنگ سے پولیس افسر ہلاک

پشاور (بیورو رپورٹ) صوبہ خیبر پختونخوا کے صوبائی دارالحکومت پشاور میں نامعلوم مسلح افراد کی فائرنگ سے پولیس افسر ہلاک ہو گیا۔

پشاور پولیس کے مطابق واردات تھانہ خزانہ کے علاقے میں ہوئی، اے ایس آئی امجد خان تھانہ بڈھ بیر میں تعینات تھا اور گھر سے ڈیوٹی کے لیے جارہا تھا، نامعلوم ملزمان فائرنگ کے بعد فرار ہو گئے۔

https://twitter.com/ShabbirTuri/status/1462771001364602880?t=Tks87pdb7nqKq6ZAGNgdtQ&s=19

پولیس کی جانب سے بتایا گیا کہ امجد خان فائرنگ سے شدید زخمی ہوئے تھے ان کو طبی امداد کے لیے ہسپتال منتقل کیا جارہا تھا تاہم راستے میں زخموں کی تاب نہ لاتے ہوئے دم توڑ گئے، پولیس نے واقعہ کی مزید تحقیقات شروع کردی ہیں۔