چارسدہ سے کالعدم تحریک طالبان پاکستان کا مطلوب ترین دہشت گرد گرفتار

چارسدہ (ڈیلی اردو) صوبہ خیبرپختونخوا کے ضلع چارسدہ میں پولیس نے دہشت گردی کا منصوبہ ناکام بنادیا۔

ترجمان پولیس کے مطابق بھاری مقدار میں بارودی مواد برآمد کرکے شیر غنی عرف ابراہیم نامی دہشت گرد کو گرفتار کرلیا گیا۔ گرفتار دہشتگرد کا تعلق کالعدم تنظیم تحریک طالبان پاکستان (ٹی ٹی پی) سے ہے۔

https://twitter.com/ShabbirTuri/status/1641155460496773121?t=5uzSkz80jtyhQXuLTKL_aA&s=19

پولیس حکام کے مطابق گرفتار دہشت گرد پولیس چوکی عزیز آباد کے قریب کسی سرکاری املاک کو نقصان پہنچانے کی نیت سے موجود تھا، دہشت گرد سے مزید تفتیش جاری ہے۔

ترجمان کے مطابق گرفتار دہشت گرد تھانہ سی ٹی ڈی مردان ریجن کو کئی دہشت گردی کے مقدمات میں مطلوب ہے۔ گرفتار دہشت گرد کے قبضے سے دو عدد ہینڈ گرنیڈ،ایک راکٹ لانچر اور 60 فٹ پرائما کارڈ برآمد کرلیا گیا۔