ڈیرہ اسماعیل خان میں سکیورٹی فورسز کا آپریشن، 2 دہشت گرد ہلاک

ڈی آئی خان (ڈیلی اردو) پاکستان کے شورش زدہ صوبہ خیبرپختونخوا کے ضلع ڈیرہ اسماعیل خان کی تحصیل کلاچی میں سکیورٹی فورسز کی کارروائی میں دو دہشت گرد ہلاک ہو گئے۔

ڈیلی اردو کو موصول اطلاعات کے مطابق مڈی کے علاقے میں سکیورٹی فورسز نے کارروائی کرتے ہوئے ٹی ٹی پی گنڈپور گروپ سے تعلق رکھنے والے دو دہشت گردوں کو ہلاک کر دیا۔

ہلاک دہشت گردوں میں محمد نعمان شامل ہے جبکہ دوسرے دہشت گرد کی شناخت کا عمل جاری ہے۔

سکیورٹی ذرائع کے مطابق دہشت گردوں کے قبضے سے ایک ایم فور رائفل، ایک ایس ایم جی، ایک گرنیڈ، دو موٹر سائیکلیں، ایم فور کے دو میگزین، ایس ایم جی کے دو میگزین، دو اسمارٹ فونز اور دیگر سامان برآمد ہوا ہے۔

واقعے کے بعد علاقے میں سکیورٹی مزید سخت کر دی گئی جبکہ مزید کارروائیاں جاری ہیں۔