کراچی اسٹاک ایکسچینج حملے کی تفتیش میں اہم پیشرفت

کراچی (ڈیلی اردو) اسٹاک ایکسچینج پر حملے کی تفتیش میں اہم پیش رفت ہوئی ہے۔ دہشتگردوں کے قبضے سے کیمرہ بھی برآمد ہونے کا انکشاف ہوا ہے۔ لائیو کیمرے کے ذریعے حملے کا ماسٹر مائنڈ دہشتگردوں سے رابطے میں رہا۔

کراچی میں اسٹاک ایکسچینج پر ہونے والے حملے کی تفتیش میں اہم پیش رفت ہوئی ہے۔ دہشتگردوں کے قبضے سے کیمرہ برآمد ہونے کا انکشاف ہوا ہے۔ لائیو کیمرے کے ذریعے حملے کا ماسٹر مائنڈ دہشتگردوں سے رابطے میں رہا جبکہ دہشتگردوں سے ملنے والے موبائل فون سے بھی اہم معلومات حاصل کرلی گئی ہیں۔

سلمان نامی دہشتگرد حملے کے چند سیکنڈ بعد سب انسپکٹر کی فائرنگ سے ہلاک ہوگیا تھا۔ ہلاک دہشتگردوں میں سے دو کیچ، ایک ہوشاب اور ایک دہشت گرد پنجگور کا رہائشی تھا۔