کسی بھی اسرائیلی ریاستی جارحیت کا مقابلہ کرنے کیلئے ہمیں تیار رہنا ہوگا، حسن نصراللہ

بیروت (ڈیلی اردو/یو این پی) لبنانی مزاحمتی تنظیم حزب اللہ کے سیکرٹری جنرل حسن نصر اللہ نے کہا ہے کہ انہوں نے اپنی جماعت کے جنگجوئوں اور فوجی فارمیشنوں کو جنوبی سرحد پر متحرک ہونے کو کہا ہے۔

السيد #حسن_نصرالله: #لبنان ليس بلداً فقيراً ولا يجوز ان يحوله السياسيون الى بلد شحاد وذليل pic.twitter.com/L0mk3PWJLe

— حسين مرتضى Hussein Mortada (@HoseinMortada) May 10, 2022

ان کا کہنا ہے کہ کسی بھی اسرائیلی ریاستی جارحیت کا مقابلہ کرنے کے لیے ہمیں تیار رہنا ہوگا۔نصراللہ نے جنوبی لبنان میں پارٹی کی طرف سے منعقدہ ایک تقریب سے خطاب میں کچھ لبنانی سیاسی قوتوں نے مزاحمت کے ہتھیار کو موجودہ انتخابی معرکے کے عنوان کے طور پر لیا ہے۔ مزاحمت کا ہتھیار جائزاور قانونی رہے گا۔ دشمن کا مکروہ چہرہ بے نقاب کرنا ہوگا۔

نصر اللہ نے نشاندہی کی کہ اسرائیلی دشمن لبنان کی گیس، تیل اور پانی کے لیے خطرناک عزائم رکھتا ہے۔

انہوں نے اس بات پر زور دیا کہ لبنانی مزاحمت لبنان کے حقوق کا تحفظ کرے گی۔ انہوں نے کہا کہ امریکی انتظامیہ لبنان کی سیاسی قوتوں سے اسرائیل کو تسلیم کرنے اور فلسطینیوں کو آباد کرنے کا مطالبہ کرے گی۔

سیکرٹری جنرل نے لبنانیوں کو مخاطب کرتے ہوئے کہا کہ آپ کے پاس ایک مزاحمت ہے جو دشمن سے کہہ سکتی ہے کہ اگر آپ لبنان کو توانائی کی تلاش سے روکتے ہیں، تو ہم آپ کو روکیں گے۔