کوئٹہ میں سی ٹی ڈی ٹیم پر فائرنگ، جوابی کارروائی میں حملہ آور ہلاک، ایک گرفتار

کوئٹہ (بیورو رپورٹ) بلوچستان کے دارالحکومت کوئٹہ میں کاؤنٹر ٹیرر ازم ڈیپارٹمنٹ (سی ٹی ڈی) اہلکاروں اور مسلح افراد میں فائرنگ کے درمیان تبادلہ ہوا جس کے باعث ایک شخص ہلاک اور ایک کو گرفتار کرلیا گیا ہے۔

پولیس کے مطابق سی ٹی ڈی ٹیم نواں کلی میں معمول کی کارروائی کیلئے جارہا تھا کہ راستے میں مسلح افراد نے ٹیم پر فائرنگ کر دی، جس پر سی ٹی ڈی ٹیم نے بھی جوابی فائرنگ کی۔ فائرنگ کے تبادلہ میں مبینہ طور پر فائرنگ کرنے والوں میں سے ایک شخص ہلاک ہو گیا۔

#CounterTerrorism Department claimed to have killed one man after an exchange of fire in Nawa Killi outskirts of the provincial capital #Quetta #Balochistan, accused opened fire on CTD team & in retaliation one of them was killed & another arrested, weapons recovered, CTD claimed https://t.co/9L271UQ9rj

— ???????? (@Info_Balochistn) December 1, 2020

سی ٹی ڈی نے اس کے دوسرے ساتھی کو گرفتار کرلیا ہے، فائرنگ والوں کے قبضہ سے چار عدد کلاشنکوف بھی برآمد ہوئے ہیں۔ فائرنگ کے تبادلے میں مارے جانے والے شخص کی لاش پوسٹ مارٹم کے لئے مقامی ہسپتال منتقل کردی گئی جہاں اسکی شناخت علی محمد سکنہ اسپنی روڈ کے نام سے ہوئی ہے۔

سی ٹی ڈی حکام کا کہنا ہے کہ فائرنگ کے تبادلے میں مارے جانے والے شخص سے متعلق تفتیش جاری ہے۔