کوئٹہ: پاک فوج کے ایک اور میجر کورونا وائرس سے انتقال کرگئے

کوئٹہ (بیورو رپورٹ) پاک فوج کے ایک اور میجر کورونا وائرس کے باعث انتقال کرگئے۔

ذرائع کے مطابق بلوچستان کے صوبائی دارالحکومت کوئٹہ میں تعینات پاکستان آرمی کے میجر راجہ فہیم کورونا وائرس کے باعث انتقال کر گئے۔

میجر فہیم کو تشویشناک حالت میں گزشتہ روز سی ایم ایچ کوئٹہ منتقل کیا گیا تھا جہاں وہ انتہائی نگہداشت کے وارڈ میں زیر علاج تھے لایا گیا تھا۔

میجر راجہ فہیم کا تعلق پاکستان کے علاقے راولپنڈی سے تھا اور وہ ممتاز دفاعی تجزیہ نگار بریگیڈئر ریٹائرڈ آصف ہارون راجہ کے بیٹے تھے آصف ہارون راجہ فور ایف ایف رجمنٹ میں تعینات تھے جبکہ میجر راجہ فہیم بھی اسی کور (فور ایف ایف) رجمنٹ میں تعینات تھے جنکی تعیناتی اس وقت ای ایم ای سینٹر میں تھی۔

اس سے قبل 10 مئی کو پاک فوج کے میجر محمد اصغر طورخم بارڈر پر لوگوں کی اسکریننگ کے فرائض سرانجام دیتے ہوئے کورونا وائرس کا شکار ہوئے جوکہ بعدازاں زندگی کی بازی ہار گئے۔